İqtisadiyyat

   Rayon iqtisadiyyatına yönəldilmiş investisiya həcmi 2020-cü illə müqayisədə 2025-ci ildə 2.0 dəfə artaraq 96,8 milyon  manat , tikinti-quraşdırma işlərinin həcmi isə 2.1 dəfə artaraq 82,7 milyon manata çatmışdır. 2025-ci ildə Rayonda ümumi dəyəri 30,8 milyon manat olan “Promalt” Məhdud Məsuliyyətli Cəmiyyətinin arpa emalı müəssisəsi istifadəyə  verilmiş. Müəssisədə pivə  istehsalında əsas xammal hesabına olunan arpanın  xüsusi  proseslərdən keçərək  mayalanma və fermentasiya üçün hazır  vəziyyətə  gətirilməsi  ilə əldə edilən -malt istehsal  edilir. Müəssisənin ilik istehsal gücü 11 min ton arpa istehsal edəcək
   “E.R.A  AQRO PARK” və “MUĞAN AQRO SERVİS “ Məhdud Məsuliyyətli Cəmiyyətlər tərəfindən 808,0  min manat olan kənd təsərrüfatında  müasir suvarma sistemləri avadanlıqları əkin sahələrinə quraşdırılıb. 2026-cı ilin yanvar-mart aylarında rayonun iqtisadi və sosial sahələrinin inkişafı üçün bütün maliyyə mənbələrindən əsas kapitala 5884,7 min manat və ya 2025-ci ilin müvafiq dövrü ilə müqayisədə 40,1 faiz çox investisiya yönəldilmişdir.
    Ümumi sərmayənin 2826,5 min manatı (48,0 faizi) məhsul istehsalı sahələrinin, 798,7 min manatı (13,6 faizi) xidmət sahələrinin, 2259,5 min manatı (38,4 faizi) isə yaşayış evlərinin tikintisinin payına düşmüşdür. Ümumi sərmayənin 11,4 faizi dövlət, 88,6 faizi qeyri-dövlət sektorunun sərmayədarları tərəfindən qoyulmuşdur. Sərmayə qoyuluşunun 57,1 faizi tikinti-quraşdırma işlərinə sərf edilmişdir. Tikinti-quraşdırma işlərinin 668,7 min manatı (19,9 faizi) dövlət, 2692,3 min manatı (80,1 faizi) isə qeyri-dövlət mülkiyyətli müəssisə və təşkilatların payına düşmüşdür.
    2026-cı ilin yanvar-mart aylarında əsas kapitala yönəldilmiş ümumi investisiyanın 25,8 faizi kənd təsərrüfatı, meşə təsərrüfatı və balıqçılıq, 22,2 faizi sənaye, 38,4 faizi tikinti, 1,7 faizi ticarət; nəqliyyat vasitələrinin təmiri, 11,4 faizi informasiya və rabitə, 0,5 faizi daşınmaz əmlaklarla əlaqədar əməliyyatlar sahələrinə sərf edilmişdir.
    Rayon ərazisində illik istehsal gücü 300-350 min ton olan Şəkər zavodu, Azərbaycan Şəkər İstehsalat Birliyinin Spirt, Bitki yağları, Qarışıq yem zavodları, “Araz” Konservləşdirilmiş Şirələr və Konyak zavodu, Xam pambığı emal edən zavod, qum-çınqıl karxanaları və bu kimi digər sənaye obyektləri fəaliyyət göstərir.