Vətən müharibəsində şəhidlik zirvəsinə yüksələn Həmdulla Abdullayevin 4-cü ildönümü qeyd olunub
07 noyabr 2024 | 17:43
Vətən müharibəsində şəhidlik adlı uca zirvəyə yüksələn igidlərimizdən biri də İmişli rayonunun Bəhrəmtəpə qəsəbəsindən olan Abdullayev Həmdulla Aslan oğludur. Noyabrın 7-də şəhidimizin ailəsinin yaşadığı ata ocağında dördüncü ildönümü mərasimi qeyd olunub. Mərasimdə şəhid ailələrinin üzvləri, İmişli Rayon İcra Hakimiyyətinin başçısı Elçin Rzayev, YAP İmişli rayon təşkilatının sədri Səfa Ağayev, şəhidimizin doğmaları, yaxınları iştirak ediblər. Mərasim zamanı şəhidizimin əziz xatirəsi dərin ehtiramla yad olunub, ailə üzvlərinə səbr dilənib. Bildirilib ki, cəsur, igid Vətən oğulları doğma torpaqlarımız uğrunda son damla qanına qədər vuruşmaqdan bir an belə çəkinmədilər və ölümün gözünə dik baxaraq əsl qəhrəmanlıq nümunəsi göstərdilər. Mərasim zamanı həmçinin Vətənin müdafiəsi uğrunda canından keçən Həmdullanın və digər şəhidlərimizin əziz xatirələrinin xalqımız tərəfindən daim dərin ehtiramla yad edildiyi vurğulanıb.
Allah rəhmət eləsin!
Keçidlər
