Vətən müharibəsi şəhidləri Vüqar Nuriyevin və Neymət Həsənovun 4-cü ildönümləri qeyd olunub
02 noyabr 2024 | 12:22
Noyabrın 2-də şəhidlik zirvəsinə ucalan Nuriyev Vüqar Hafis oğlunun və Həsənov Neymət Emin oğlunun dördüncü ildönümü mərasimləri şəhidlərimizin ailələrinin yaşadıqları ünvanlarda keçirilib. Mərasimlərdə şəhid ailələrinin üzvləri, İmişli Rayon İcra Hakimiyyətinin məsul əməkdaşları, şəhidimizin doğmaları, yaxınları iştirak ediblər. Mərasim zamanı şəhidlərimizə Allahdan rəhmət, ailələrinə səbir dilənib. Müzəffər Ali Baş Komandan İlham Əliyevin rəhbərliyi altında Azərbaycan Ordusunun əsgər və zabitlərinin, igid oğullarımızın bu haqq savaşında qələbə qazanaraq döyüş meydanında əsl qəhrəmanlıq dastanı yazdıqları diqqətə çatdırılıb. Şəhidlərimizin ailə üzvləri hər zaman dövlət qayğısı ilə əhatə olunduqlarına görə minnətdarlıqlarını ifadə ediblər.
Allah rəhmət eləsin!
Keçidlər
