Vətən müharibəsi şəhidləri Elnur Bəylərovun və Şamil Hüseynlinin 4-cü ildönümləri qeyd olunub
03 noyabr 2024 | 18:26
Bu gün Azərbaycanın ərazi bütövlüyü uğrunda gedən döyüşlərdə şəhidlik zirvəsinə ucalan qəhrəman Vətən oğullarımız, Bəylərov Elnur Ehdibar oğlunun və Hüseynli Şamil Novruz oğlunun şəhidlik zirvəsinə ucaldığı gündən 4 il ötür. Bu münasibətlə şəhidlərimizin ailələrinin yaşadıqları ünvanlarda ildönümü mərasimləri keçirilib. Mərasimlərdə şəhid ailələrinin üzvləri, İmişli Rayon İcra Hakimiyyətinin məsul əməkdaşları, şəhidimizin doğmaları və rayonun ictimaiyyət nümayəndələri iştirak ediblər. Mərasim iştirakçıları erməni işğalından azad olunan torpaqlarda üçrəngli bayrağımızın dalğalanması üçün canından keçən bütün şəhidlərimizin daim böyük ehtiramla anılacağını bildiriblər. Həmçinin şəhidlərimizin əziz xatirələri böyük ehtiramla yad olunub, ruhlarına dualar oxunub, şəhidlərimizin ailə üzvlərinə səbir dilənilib. Şəhidlərin ailə üzvləri isə hər zaman dövlət qayğısı ilə əhatə olunduqlarına görə razılıqlarını ifadə ediblər.
Allah rəhmət eləsin!
Keçidlər
