Vətən müharibəsi şəhidi Rüfət Mehdizadənin 4-cü ildönümü qeyd olunub

30 sentyabr 2024 | 16:09

Vətən müharibəsində qəhrəmancasına şəhid olan Azərbaycan Silahlı Qüvvələrinin müddətdən artıq həqiqi hərbi xidmət hərbi qulluqçusu İmişli rayonunun Qulubəyli kənd sakini Mehdizadə Rüfət İsrayıl oğlunun şəhidlik zirvəsinə ucaldığı gündən 4 il keçir. Bu münasibətlə İmişli Rayon İcra Hakimiyyətinin başçısı Elçin Rzayev RİH-nin məsul işçiləri və rayonun hüquq-mühafizə orqanlarının rəhbərləri ilə birgə şəhidimizin 4-cü ildönümü mərasimində iştirak ediblər. Mərasim zamanı çıxış edənlər Ali Baş Komandan cənab İlham Əliyevin rəhbərliyi ilə 2020-ci il, sentyabrın 27-dən başlanan və şanlı qələbə ilə sona çatan Vətən müharibəsi zamanı canlarını fəda edən oğullarımızın xatirəsinin əbədi qəlbimizdə yaşayacağını, dövlətimizin və xalqımızın hər zaman şəhidlərin əziz xatirələrini uca tutacağını və şəhid ailələrinin dövlətimizin daim diqqət, qayğı ilə əhatə olunacağını bildiriblər.

Allah rəhmət eləsin!

Keçidlər