Sentyabrın 5-də Mirili kəndində sakinlərlə səyyar görüş keçirilib
Əhalinin problemlərinin yerində həlli məqsədilə növbəti səyyar qəbul-görüş təsdiq olunmuş qrafikə uyğun olaraq bu gün rayonun Qaravəlili və Mirili kənd sakinləri ilə keçirilib. Səyyar qəbulda İmişli Rayon İcra Hakimiyyətinin başçısı Elçin Rzayev, rayonun hüquq-mühafizə orqanlarının və əlaqədar xidmət təşkilatlarının rəhbər işçiləri, həmçinin sakinlər iştirak ediblər.
Qəbul zamanı çıxış edən icra başçısı sakinləri salamlayaraq İmişli rayonu ərazisində aparılan abadlıq-quruculuq işləri, sakinlərin rahatlığının təmin olunması, vətəndaş məmnunluğunun artırılması istiqamətində görülən işlər barədə ətraflı məlumat verib. Sonra sakinlər tərəfindən qaldırılan məsələlər dinlənilib. Sakinləri diqqətlə dinləyən icra başçısı tərəfindən İmişli RİH-nin səlahiyyətləri çərçivəsində həlli mümkün olan məsələlərin yerində araşdırılması və icrası üçün aidiyyəti üzrə tapşırıq və tövsiyələr verilib. Digər müraciətlərlə bağlı isə vətəndaşlara müvafiq izahatlar verilib, vətəndaş məmnunluğu təmin olunub.
