Şəhid Nizami Soltanovun ailəsi ziyarət edilib
28 avqust 2023 | 09:50
Avqustun 26-da İmişli Rayon İcra Hakimiyyətinin başçısı Elçin Rzayev RİH-nin məsul əməkdaşları ilə birlikdə torpaqlarımızın azadlığı uğrunda aparılan I Qarabağ müharibəsində şəhid olan Soltanov Nizami Adil oğlunun Qızılkənd kəndindəki ata ocağını ziyarət edərək ailə üzvləri və yaxınları ilə görüşüb, onların qayğıları ilə maraqlanıb, ailəyə ərzaq bağlaması təqdim olunub.
İcra başçısı görüş zamanı bildirib ki, Müzəffər Ali Baş Komandan İlham Əliyevin rəhbərliyi ilə ordumuzun düşmən üzərindəki şanlı qələbəsi ölkəmizin tarixinə qızıl hərflərlə əbədi olaraq yazıldı. Ərazi bütövlüyümüzün bərpası, doğma torpaqlarımızın düşməndən azad edilməsi uğrunda gedən Birinci və İkinci Qarabağ döyüşlərində canlarını Vətən uğrunda fəda edərək xalqımıza qələbə sevincini yaşadan şəhidlərimizin ruhu əbədi olaraq yaddaşlarda yaşayacaq və hər zaman minnətdarlıqla anılacaqdır. İcra başçısı həmçinin şəhidlərimizin ailələrinin sosial vəziyyətinin bundan sonra da həmişə diqqətdə saxlanılacağını vurğulayıb.
Ziyarət zamanı şəhid ailəsi onlara göstərilən diqqət və qayğıya görə Prezident İlham Əliyevə və birinci xanım Mehriban Əliyevaya öz dərin minnətdarlıqlarını ifadə ediblər.
Keçidlər
