Şəhid Cavidan Məmmədlinin adını daşıyan küçənin avtomobil yoluna yeni asfalt örtük çəkilib
19 dekabr 2025 | 15:56
İmişli Rayon İcra Hakimiyyəti tərəfindən rayon ərazisində avtomobil yollarının yenidən qurulması davam etdirilir. Belə ki, növbəti asfaltlaşma işləri İmişli şəhərində şəhid Cavidan Məmmədlinin adını daşıyan küçənin avtomobil yollarında aparılıb. Sözügedən avtomobil yolunda layihə üzrə aparılan yenidənqurma işləri çərçivəsində torpaq yatağının yararsız hissələri qazılaraq çıxarılıb. Karxana çınqılı materialından torpaq yatağının bərpası və qazılmış hissələrin doldurulması işləri görülüb, yol əsası inşa olunub, yeni asfalt örtüyü çəkilib.
Qeyd edək ki, yeni asfalt örtüyü ilə təmin edilən Cavidan Məmmədli küçəsi sakinlər üçün daha rahat və təhlükəsiz hərəkət imkanı yaradıb. Bu cür layihələr, şəhidlərimizin adını əbədiləşdirmək və onların ailələrinə olan dövlət qayğısını göstərmək baxımından mühüm əhəmiyyət kəsb edir.
Keçidlər
