Qulubəyli kəndində şəhid ailələrinin yaşadığı küçə asfaltlanıb
30 dekabr 2024 | 13:44
Azərbaycanın ərazi bütövlüyü uğrunda qəhrəmancasına şəhid olan sakinlərimizin adının əbədiləşdirilməsi, ailələrinin sosial problemlərinin həlli İmişli Rayon İcra Hakimiyyətinin xüsusi diqqətində saxlanılır. Belə ki, Vətəni ləyaqətlə qoruyaraq şəhadət zirvəsinə yüksəlmiş Vətən müharibəsi şəhidləri Şahbazov Abas Cavad oğlunun və Mehtizadə Rüfət İsrayıl oğlunun ailə üzvlərinin yaşadığı rayonun Qulubəyli kəndində kənddaxili yollara yeni asfalt örtük salınıb. Sözügedən ərazidə layihəyə uyğun olaraq görülən işlər vaxtında yekunlaşdırılıb və avtomobil yoluna yeni asfalt örtüyü döşənərək istifadəyə verilib.
Qeyd edək ki, görülən işlər dövlətin şəhid ailələrinə göstərdiyi diqqət, ölkənin güclü sosial siyasətinin və vətəndaşların rifahını artırmağa yönəlmiş müsbət addımlarının bir hissəsidir. Eyni zamanda şəhid ailələrinin daha yaxşı şəraitdə yaşaması, onların dövlət tərəfindən daim dəstəkləndiklərini hiss etmələri üçün vacibdir.
Keçidlər
