Qaragüvəndikli kəndində şəhid ailəsinin yaşadığı küçə asfaltlanıb
27 dekabr 2024 | 16:54
Həyata keçirilən tədbirlər çərçivəsində növbəti mərhələdə rayonun Qaragüvəndikli kəndində şəhid Quliyev Elgün Fuad oğlunun ailəsinin yaşadığı küçənin avtomobil yollarına yeni asfalt örtük salınıb. Yenidənqurma işləri çərçivəsində torpaq və çınqıl örtüklü yeni yol yatağı salınıb, “İnşaat Norma və Qaydaları”nın tələblərinə əsasən daha sonra həmin yola yeni asfalt-beton örtüyünün döşənməsi işləri görülüb. Bütün işlər yüksək keyfiyyətlə və tərtib olunmuş qrafikə uyğun texnoloji ardıcıllığa riayət olunmaqla aparılıb.
Qeyd edək ki, görülən işlər dövlətin şəhid ailələrinə göstərdiyi diqqət, ölkənin güclü sosial siyasətinin və vətəndaşların rifahını artırmağa yönəlmiş müsbət addımlarının bir hissəsidir. Eyni zamanda şəhid ailələrinin daha yaxşı şəraitdə yaşaması, onların dövlət tərəfindən daim dəstəkləndiklərini hiss etmələri üçün vacibdir.
Keçidlər
