Nurulu kəndində şəhid Akif Bayramovun adını daşıyan məktəbə gedən avtomobil yolu asfaltlanıb
27 dekabr 2024 | 11:46
İmişli rayonunda avtomobil yollarının asfaltlanması istiqamətində görülən işlər davam etdirilir. Növbəti mərhələdə rayonun Nurulu kəndində şəhid Akif Bayramovun adını daşıyan məktəbə gedən avtomobil yolu asfaltlanıb. Belə ki, sözügedən avtomobil yolu uzun illər təmirsiz istismar olunduğundan və təbii faktorların təsirindən deformasiyaya uğramış, həmçinin dağılmışdı. Bu isə payız-qış mövsümündə avtonəqliyyat vasitələrinin hərəkətində müəyyən çətinliklərin yaranmasına səbəb olurdu. Artıq sözügedən problem öz həllini tapıb. Görülən işlər zamanı yolun hərəkət hissəsinə yararlı qrunt tökülüb, xüsusi texnikalardan istifadə olunmaqla kipləşdirmə işləri görülüb, yeni yol yatağı inşa edilib və yola qırmadaş layı döşənərək yeni yol əsasının tikintisi aparılıb. Bundan sonra "İnşaat Norma və Qaydaları"na əsasən yola lazımi qalınlıqda yeni asfalt-beton örtüyü döşənib.
Yolun yenidən qurulması, yalnız avtonəqliyyat vasitələrinin rahat hərəkətini təmin etməklə kifayətlənmir, həm də Nurulu kəndinin əhalisinin gündəlik həyatını asanlaşdırıb. Artıq yol boyu yaşayan sakinlər məktəbə və digər vacib məkanlara rahat şəkildə çatmaq imkanına malikdirlər. Bu tədbir, həmçinin şəhid Akif Bayramovun xatirəsini əbədiləşdirmək və kəndin infrastrukturunu yaxşılaşdırmaq məqsədilə həyata keçirilib.
Keçidlər
