İmişlidə Vətən müharibəsi şəhidi Cavidan Məmmədlinin ildönümü qeyd olunub
Fevralın 13-də Azərbaycanın ərazi bütövlüyü uğrunda gedən döyüşlərdə şəhidlik zirvəsinə ucalan qəhrəmanımız Cavidan Məmmədlinin ikinci ildönümü ailəsinin yaşadığı ünvanda qeyd olunub. Mərasimdə şəhid ailələrinin üzvləri, İmişli Rayon İcra Hakimiyyətinin başçısı Elçin Rzayev, RİH-nin məsul şəxsləri, YAP İmişli rayon təşkilatının sədri Səfa Ağayev və rayonun hüquq-mühafizə orqanlarının rəhbərləri iştirak ediblər. Mərasim zamanı vətənimizin ərazi bütövlüyü uğrunda canından keçmiş şəhidimizin əziz xatirəsi dərin ehtiramla yad olunub, ruhuna dualar oxunulub, ailə üzvlərinə səbir dilənilib. Qeyd edilib ki, şəhidlərimizin əziz xatirələri bundan sonra da daim əziz tutulacaq və illər keçsə də qəhrəmanlarımız unudulmayacaq. Şəhidimizin ailə üzvləri isə hər zaman dövlət qayğısı ilə əhatə olunduqlarına görə razılıqlarını ifadə ediblər.
