İmişlidə 20 Yanvar faciəsinin 35-ci ildönümü ilə əlaqədar dəyirmi masa keçirilib
17 yanvar 2025 | 17:57
17 yanvar tarixində İmişli rayonunun Heydər Əliyev mərkəzində 20 Yanvar faciəsinin 35-ci ildönümü ilə əlaqədar dəyirmi masa baş tutub. Tədbirdə İmişli Rayon İcra Hakimiyyətinin məsul işçiləri, YAP İmişli rayon təşkilatının sədri, rayonun idarə, müəssisə, təşkilatlarının rəhbərləri və ictimaiyyət nümayəndələri iştirak ediblər.
Tədbir başlamamışdan öncə 20 yanvar faciəsi zamanı şəhid olmuş Azərbaycan övladlarının əziz xatirələri bir dəqiqəlik sükutla yad edilib. Sonra çıxış edən YAP İmişli rayon təşkilatının sədri Səfa Ağayev 20 Yanvar faciəsi ilə bağlı iştirakçılara ətraflı məlumat verib və faciənin həqiqətlərinin dünyaya çatdırılmasının, əsl cinayətkarların ifşa edilməsinin, hadisəyə ilkin siyasi-hüquqi qiymətin verilməsinin məhz Ulu Öndər Heydər Əliyevin adı ilə bağlı olduğunu vurğulayıb. Digər çıxış edənlər faciə zamanı həmvətənlərimizin qanunsuz olaraq həbs olunmasından və mənəvi əzablara düçar edilməsindən bəhs ediblər.
Allah bütün şəhidlərimizə rəhmət etsin!
Keçidlər
