İmişli rayonunda əmək yarmarkası keçiriləcək

06 iyun 2023 | 17:35

Tədbirdə İmişli rayonu üzrə 14 müəssisə tərəfindən 230 vakansiyanın təqdim olunması nəzərdə tutulub.

Yarmarkaya gələn namizədlərin şəxsiyyət vəsiqələrini təqdim etmələri mütləqdir. Namizədlərin CV nümunəsi ilə birlikdə gəlmələri arzuolunandır.

Əgər CV-niz yoxdursa, Dövlət Məşğulluq Agentliyi tərəfindən istifadəyə verilən CV Yarat platformasından (www.cvyarat.az) yararlana bilərsiniz. Bu platformada qeydiyyatdan keçməklə lazımi xanalara məlumatlarınızı əlavə edib, qısa müddətdə öz CV-nizi PDF formatında əldə etmək mümkündür.

Vakansiyalar, iş öhdəlikləri və şərtlər haqqında daha ətraflı məlumat yarmarkada iştirak edən şəxslərə təqdim olunacaq.

Ünvan və tarix:

İmişli rayonu, Heydər Əliyev prospekti 123 (Şahmat məktəbi)

7 iyun, 2023

11:00

Keçidlər