İcra başçısı yas mərasimlərində iştirak edib
15 noyabr 2024 | 16:25
İmişli Rayon İcra Hakimiyyətinin başçısı Elçin Rzayev noyabrın 15-də Birinci Qarabağ müharibəsi şəhidi Abasquliyev Arif Teymur oğlunun anası Gözəl Abasquliyevanın yas mərasimi və Vətən müharibəsi şəhidi Məmmədli İsa Sarı oğlunun 4-cü ildönümündə iştirak edib. Mərasimlərdə icra başçısı ilə yanaşı şəhid ailələrinin üzvləri, RİH-nin məsul şəxsləri, YAP İmişli rayon təşkilatının sədri Səfa Ağayev və rayonun hüquq-mühafizə orqanlarının rəhbərləri də iştirak ediblər. Rəsmilər şəhidlərimizin ailələrinin yaşadıqları ünvanda olub, onların ailə üzvləri ilə görüşüb, başsağlığı verib və səbr diləyiblər. Qəhrəmanlıq simvolumuza çevrilən qəhrəman oğullarımızla, şəhidlərimizlə nəinki doğulduqları el-obanın, eləcə də bütöv Azərbaycanın, xalqımızın fəxr etdiyi, hər bir azərbaycanlının qürur duyduğu bildirilib.
Allah rəhmət eləsin!
Keçidlər
