Birinci Qarabağ müharibəsi veteranı Rasim Cəfərquliyevin yas mərasimi keçirilib
Dekabrın 10-da Birinci Qarabağ müharibəsi veteranı, İmişli rayonunun Yalavac kəndindən olan Cəfərquliyev Rasim Rza oğlunun yas mərasimi keçirilib. Mərasimdə veteranımızın ailə üzvləri ilə yanaşı İmişli Rayon İcra Hakimiyyətinin məsul işçiləri, YAP İmişli rayon təşkilatının sədri Səfa Ağayev və rayonun ictimaiyyət nümayəndələri iştirak ediblər. İştirakçılar qəhrəman döyüşçümüzün vəfatından kədərləndiyini bildirərək İmişli Rayon İcra Hakimiyyətinin kollektivi adından dərin hüznlə baş sağlığı verib, dövlətin hər zaman şəhid ailələrinin, qazilərin və müharibə veteranlarının yanında olduğunu vurğulayıblar. Eyni zamanda veteranımızın ailəsinin qayğı və ehtiyacları ilə yaxından maraqlanılıb. Veteranımızın ailə üzvləri xüsusi qayğıya görə gələn qonaqlara minnətdarlıqlarını ifadə ediblər.
