Bəhrəmtəpə qəsəbəsində 24.12.2024-cü il tarixdə vətəndaşlarla səyyar görüş keçirilib
24 dekabr 2024 | 18:17
İmişli rayonunun R.Alışov adına Bəhrəmtəpə qəsəbə tam orta məktəbində baş tutan səyyar görüşdə icra başçısı ilə yanaşı hüquq-mühafizə orqanlarının, müxtəlif dövlət qurumlarının rəhbər işçiləri də iştirak ediblər. Qəbul başlamamışdan öncə çıxış edən İmişli Rayon İcra Hakimiyyətinin başçısı Elçin Rzayev səyyar görüşlərin keçirilməsinin yerli icra hakimiyyəti ilə vətəndaşlar arasında daha sıx əlaqələrin qurulmasına şərait yaratdığını qeyd edib. Həmçinin, rayonda görülən işlər və infrastruktur layihələri barədə qəsəbə sakinlərinə ətraflı məlumat verib. Sonra qəsəbə sakinləri öz müraciətlərini təqdim ediblər. Onları narahat edən məsələlərin həll yolları araşdırılıb, müvafiq tapşırıq və tövsiyələr verilib. Qəsəbə sakinləri, ölkədə və rayonda həyata keçirilən işlərdən razılıqlarını ifadə ediblər.
Qəbulun sonunda icra başçısı Azərbaycan xalqının milli həmrəyliyini və birliyini simvolizə edən “Həmrəylik Günü” və qarşıdan gələn “Yeni il” münasibətilə qəsəbə sakinlərini təbrik edərək hər kəsə xoşbəxt və firavan həyat arzuladı.
Keçidlər
