Antiterror əməliyyatları şəhidi Ceyhun Sadıqovun doğum günü qeyd olunub
27 avqust 2024 | 11:04
Avqustun 26-da antiterror tədbirlərində qəhrəmancasına döyüşərək şəhidlik zirvəsinə yüksələn Sadıqov Ceyhun Niyaməddin oğlunun doğum günündə əziz xatirəsi böyük ehtiramla yad edilib. Şəhidimizin doğum günündə şəhid ailələrinin üzvləri, şəhidin yaxınları və İmişli Rayon İcra Hakimiyyətinin məsul işçiləri iştirak ediblər. Ziyarət zamanı çıxış edənlər şəhidimizin şərəfli həyatı və döyüş yolu, torpağa, milli-mənəvi dəyərlərə bağlılığı, müqəddəs şəhidlik zirvəsinə ucalmasından bəhs edib, göstərdiyi qəhrəmanlıqdan, keçdiyi şərəfli döyüş yolundan danışıblar. Şəhidimizin yaxınları və ailə üzvləri onlara göstərilən diqqət və qayğıya görə minnətdarlıqlarını ifadə ediblər.
Xatırladaq ki, Sadıqov Ceyhun Niyaməddin oğlu 2002-ci ilin avqust ayının 26-da İmişli rayonunun Şahverdili kəndində anadan olub. Xankəndi-Xəlfəli istiqamətində gedən döyüşlər zamanı qəhrəmancasına şəhidlik zirvəsinə yüksəlib. Döyüşlərdə göstərdiyi qəhrəmanlığa görə Azərbaycan Respublikasının Prezidenti cənab İlham Əliyevin müvafiq Sərəncamlarına əsasən Ceyhun Sadıqov ölümündən sonra 3-cü dərəcəli "Vətənə xidmətə görə" ordeni və “Vətən uğrunda” medalı ilə təltif edilib.
Allah rəhmət eləsin!
Keçidlər
