İmişli rayonu üzrə ümumtəhsil məktəblərinin bir sıra məzunları buraxılış imtahanlarında yüksək nəticə göstəriblər.
Ali məktəblərə qəbul üçün sənəd vermiş İmişli rayonunun ümumtəhsil məktəblərinin məzunlarından 8 nəfəri 600-dən çox bal toplayıb. Ali məktəblərə qəbul imtahanlarında İmişli şəhər 5 saylı məktəb-liseyin məzunları Elsevər Şükürlü 628, Orxan Kazımlı 616 bal, şəhər 4 saylı məktəbin məzunu İnşallah Xəlilli 635 bal, şəhər 2 saylı tam orta məktəbin məzunu Ləman Hüseynli 623 bal, Bəhrəmtəpə qəsəbə tam orta məktəbin məzunu Kamran İbayev 613 bal, Xəlfəli kənd tam orta məktəbin məzunu Xan Həsənli 620 bal, Gövhərli kənd tam orta məktəbin məzunu Ülkər Musayeva 629 bal, Ölcələr kənd tam orta məktəbin məzunu Elçin Cahangirov isə 613 bal toplayıblar. Məzunlar təhsil aldıqları müddətdə məktəbin ən fəal şagirdlərindən olaraq müxtəlif bilik yarışlarında və müsabiqələrdə uğurla iştirak ediblər.
Qəbul imtahanlarını uğurla başa vuran məzunları İmişli rayon İcra Hakimiyyətinin adından təbrik edir, onlara öz əməlləri ilə Vətənimizin, təhsilimizin adını həmişə zirvələrə ucaltmalarını arzulayırıq.
