Şriftin ölçüsü :

Saytın rəngi :

İmişlidə şəhid Nemət Cavadlının xatirəsinə həsr olunmuş “Qanları ilə dastan yazanlar” adlı tədbir keçirilib

29 noyabr 2022 | 20:05
  Bu gün İmişli rayonunun 7 saylı tam orta məktəbində şəhid Nemət Cavadlının xatirəsinə həsr olunmuş “Qanları ilə dastan yazanlar” adlı tədbir keçirilib .Tədbirdə İmişli Rayon İcra Hakimiyyətinin, Rayon Təhsil sektorunun məsul işçiləri, “20 yanvar” İctimai Birliyinin əməkdaşları və rayonun ümumi təhsil məktəblərinin şagirdləri iştirak ediblər. Tədbirin keçirildiyi akt zalında şəhid Nemət Cavadlının şəkilləri, medalları, şəxsi əşyaları və şəhidə həsr olunmuş kitab və çap məhsullarından ibarət sərgi təşkil olunub. Tədbir Azərbaycan Respublikasının Dövlət Himninin səsləndirilməsi, ölkəmizin suverenliyi, ərazi bütövlüyü və torpaqlarımızın azadlığı uğrunda canından keçən şəhidlərimizin xatirələrinin bir dəqiqəlik sükutla yad edilməsi ilə başlayıb.
  Tədbirdə çıxış edənlər bildiriblər ki, bu gün hər birimiz fəxarətlə söylədiyimiz, qürurlandığımız o tarixi Qələbəni bizlərə bəxş edən Ali Baş Komandana, şəhidlərimizə, qazilərimizə, hərbçilərimizə borclu və minnətdarıq. İllər ötsə belə bizlərə 44 günlük haqq savaşında hər gün qələbə sevinci yaşadan şanlı Azərbaycan Ordusunun əsgər və zabitlərinin, sağlamlığını itirən qazilərimizin, ruhları qarşısında bir ömür boyu baş əydiyimiz şəhidlərimizin heç vaxt unudulmayacağı vurğulanılıb. Tədbirin sonunda “20 yanvar” İctimai Birliyi tərəfindən şəhid Nemət Cavadlının döyüş yoluna həsr olunmuş videoçarx nümayiş olunub və məktəblilər tərəfindən vətənpərvərlik ruhunda şeirlər səsləndirilib.
 
 
Keçidlər